Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Брагінскі раённы выканаўчы камітэт
Галоўная / Навіны / Навіны рэспублікі
27 жніўня 2019

У Беларусі 99,7 працэнта ўстаноў адукацыі атрымалі пашпарты гатоўнасці да новага навучальнага года

У Беларусі 99,7 працэнта ўстаноў адукацыі атрымалі пашпарты гатоўнасці да новага навучальнага года. Аб гэтым паведаміў сёння журналістам, адказваючы на пытанне карэспандэнта БЕЛТА, міністр адукацыі Ігар Карпенка па выніках даклада Прэзідэнту Беларусі Аляксандру Лукашэнку.

"Цяпер ідзе некаторая дашліфоўка па шэрагу ўстаноў, некаторыя ўстановы на капрамонце, але яны не знаходзяцца ў ліку тых, што падпісваюць пашпарты гатоўнасці", - расказаў кіраўнік ведамства. Ён запэўніў, што навучальны працэс будзе арганізаваны для ўсіх, хто павінен пайсці ў школу, з 2 верасня.

Ігар Карпенка звярнуў увагу, што Міністэрства адукацыі працуе над удасканаленнем сістэмы падагульняючай атэстацыі ў агульнай школьнай адукацыі. Ён расказаў, што ў мінулым годзе праводзіўся незалежны кантроль, зрэз якога паказаў: 43 працэнты вучняў не пацвердзілі вынікі, выстаўленыя ў школах.

"Таму мы гаварылі на падагульняючай калегіі перад пачаткам навучальнага года, што трэба павышаць узровень выкладання, удасканальваць методыкі. Трэба працаваць на вынік, а не толькі на ацэнку, зыходзячы з таго, што атэстат улічваецца пры паступленні ў ВНУ, - лічыць кіраўнік ведамства. - Таму тут трэба ўсё збалансавана выбудаваць. У нас ёсць бачанне, падыходы, у тым ліку размова і аб магчымасці правядзення нацыянальнага экзамену, але ўсё гэта патрабуе далейшай сур'ёзнай прапрацоўкі".

Навіны Беларусі (БЕЛТА)

Да спіса навін