Афіша мерапрыемстваў і падзей раёна
Ru
En
By

Адрас райвыканкама:
247632, г.п. Брагін, пл. Леніна, д. 4
E-mail: rik@bragin.gomel-region.by
Тэлефон: 8 (02344) 3-89-30
Тэлефон-факс: 8 (02344) 3-89-31

Брагінскі райвыканкам
Галоўная Навіны Навіны рэспублікі

Навіны рэспублікі

22 ліпеня 2021

У Беларусі да 2023 года зменяцца падыходы да падаткаабкладання прадпрымальнікаў

22 ліпеня, Мінск /Кар. БЕЛТА/. У Беларусі да 2023 года зменяцца падыходы да падаткаабкладання прадпрымальнікаў. Аб гэтым паведаміў сёння журналістам міністр фінансаў Юрый Селіверстаў па выніках нарады ў кіраўніка дзяржавы, перадае карэспандэнт БЕЛТА.

"У свой час мы стваралі ўмовы для развіцця прадпрымальніцтва. Мы і цяпер гаворым, што гэта неабходна. Ад гэтых тэзісаў дзяржава не адмаўляецца. Але з пункту гледжання падаткаў у нас з'явілася вельмі шмат розных рэжымаў, якія даюць магчымасць скрываць магчымыя даходы або мінімізаваць іх, выкарыстоўваючы шэраг інструментаў, - сказаў Юрый Селіверстаў. - З іншага боку, для тых, хто працуе сумленна, добрапрыстойна, патрэбны простыя, зразумелыя ўмовы: зарэгістраваўся, заплаціў падатак - і да цябе няма ніякіх прэтэнзій".

Паводле яго слоў, стаіць задача зрабіць так, каб добрапрыстойным падаткаплацельшчыкам стала яшчэ прасцей весці прадпрымальніцкую дзейнасць, падатковыя рэжымы былі зразумелымі, а дзяржаве было проста і не затратна іх адміністраваць. "Наперадзе работа менавіта над гэтым на працягу бягучага года і наступнага для таго, каб з 2023 года прапанаваць больш выразныя, ясныя і зразумелыя ўмовы і ў тым ліку павялічыць уклад у дзяржаўную казну", - растлумачыў міністр.

Усе прапануемыя новаўвядзенні былі прадстаўлены кіраўніку дзяржавы ў фармаце канцэпцыі змяненняў падыходаў да падаткаабкладання і вядзення прадпрымальніцкай дзейнасці. У ёй таксама прапаноўвалася зрабіць большы ўпор на развіццё самазанятасці. Плануецца стварыць лічбавую платформу, якая дапаможа хутка і зручна рэгістраваць сваю дзейнасць, ажыццяўляць розныя плацяжы. "У цэлым канцэпцыя падтрымана", - адзначыў Юрый Селіверстаў.

Міністр звярнуў увагу, што размова ідзе не аб тым, каб павысіць падаткі. Хутчэй варта гаварыць аб павышэнні ўдзелу прадпрымальнікаў у выплаце падаткаў. У якасці прыкладу ён прывёў сітуацыю з аграэкатурызмам: уладальнікі аграсядзіб плацяць падатак у памеры дзвюх базавых велічынь у год. Такія правілы дзейнічаюць як для невялікіх месцаў адпачынку з невысокай загружанасцю, так і для аграсядзіб, якія па сваіх маштабах ператварыліся ў сапраўдныя турыстычныя комплексы.

"Прыняць простае рашэнне аб павелічэнні падатку і зрабіць не дзве базавыя, а дзесяць - відавочна, што для тых, хто знаходзіцца ў глыбінцы, хто ажыццяўляе мадэрнізацыю сваёй аграсядзібы, гэта можа быць вялікім цяжарам. З іншага боку, для іншых гэта будзе сума, якая ўсяго толькі ледзь-ледзь вышэйшая, чым была. У гэтым выпадку больш лагічна браць падатак з выручкі", - сказаў Юрый Селіверстаў.

Як паведамлялася, 22 ліпеня на нарадзе з Саветам Міністраў Прэзідэнт Беларусі Аляксандр Лукашэнка запатрабаваў навесці парадак у дзейнасці індывідуальных прадпрымальнікаў і самазанятых.

Прэзідэнт падкрэсліў, што не раз звяртаў увагу на неабходнасць навядзення парадку ў гэтай сферы. У першую чаргу выпрацаваць дакладную сістэму, хто адносіцца да катэгорыі індывідуальных прадпрымальнікаў, чым яны будуць займацца, якія падаткі будуць плаціць. Цяперашні стан гэтай сферы дзейнасці кіраўнік дзяржавы раскрытыкаваў. Акрамя таго, Аляксандр Лукашэнка нагадаў аб сваім патрабаванні разабрацца з выплатамі зарплаты ў канвертах. "Сістэма павінна працаваць так, каб нават якой-небудзь перадумовы для выплаты зарплат у канвертах не было", - падкрэсліў ён.

Разам з тым магчымы і падатковыя паслабленні для асобных катэгорый самазанятых грамадзян, лічыць кіраўнік дзяржавы. "Нельга ўдушыць ініцыятыву людзей ні ў якім разе. Людзі хочуць працаваць, зарабляць. Таленавіты чалавек піша карціны, пляце кошыкі або робіць тое, што робяць адзінкі ў нашай краіне. Такіх людзей трэба заўсёды падтрымліваць і ў плане паслабленняў падатковага заканадаўства, каб людзі плацілі проста зусім невялікія падаткі і займаліся сваім рамяством, рамесніцтвам", - сказаў Аляксандр Лукашэнка.
Дырэктыва Прэзідэнта №4 Чарга грамадзян, якія маюць патрэбу ў паляпшэнні жыллёвых умоў

Інтэрнэт-рэсурсы